ನಾಂವಾಡ್ದಿಕ್ ಸಂಗೀತ್‌ಗಾರ್ ಬಾಪ್ ಚಾರ್ಲ್ಸ್ ವಾಸ್ ಹಾಣಿ ಪುಸ್ತಕ್ ಉಗ್ತಾವಣ್ ಕೆಲೊ. ಶ್ರೀ ಆಲ್ಬರ್ಟ್ ಡಬ್ಲ್ಯೂ ಡಿ’ಸೋಜಾ ಹಾಚಿ ಪತಿಣ್ ಶ್ರೀಮತಿ ಎಲ್ವೀನಾ ಡಿ’ಸೋಜಾ ಹಿಣೆ ಶ್ರೀ ಆಸ್ಟಿನ್ ಡಿ’ಸೋಜಾ ಪ್ರಭು ಹಾಕಾ ಶೆಲೊ, ಫುಲಾಂ-ಫಳಾಂ, ವಜ್ರಾಂಚೊ ವೃಕ್ಷ್, ಯಾದಿಸ್ತಿಕಾ, ಪ್ರಶಸ್ತಿ ಪತ್ರ್ ದೀವ್ನ್ ಮಾತ್ಯಾರ್ ಮುಂಡಾಸ್ ನ್ಹೆಸವ್ನ್ ಮಾನ್ ಕೆಲೊ. ಶ್ರೀಮತಿ ಲಿನೆಟ್ ನೊರೊನ್ಹಾನ್ ಲೇಖಕಾಚಿ ಪರಿಚಯ್ ದಿಲಿ.

ಹ್ಯಾ ವೆಳಿಂ ಕೆನಾಡಾ ಟ್ರೇಡ್ ಆರ್ಕಿಟೆಕ್ಟ್ ಹಾಚಿ ಅಧ್ಯಕ್ಷಿಣ್ ಶ್ರೀಮತಿ ಜಾಸ್ಮಿನ್ ಡಿ’ಕೋಸ್ಟಾ, ಟೊರೊಂಟೊ ಹಿಕಾ ಶ್ರೀ ಪಿ. ಎನ್. ಶಾನ್‌ಭಾಗ್ ಹಾಣೆ, ತಿಣೆ "ಮಂಗ್ಳೂರಿಯನ್ ಕಥೊಲಿಕ್ಸ್" ಪಂಗ್ಡಾಕ್ ದಿಲ್ಲ್ಯಾ ಸೆವೆ ಖಾತಿರ್ ಶೆಲೊ ಪಾಂಗುರ್ನ್, ಯಾದಿಸ್ತಿಕಾ ದೀವ್ನ್ ಮಾನ್ ಕೆಲೊ.

ಕಾರ್ಯಾವಳ್ ಶ್ರೀ ನೇರಿ ನಜ್ರೆತ್ ತಾಕೊಡೆ ಹಾಚ್ಯಾ ಫುಡಾರ್ಪಣಾಖಾಲ್ ಚಲ್‌ಲ್ಲ್ಯಾ ಕವಿಗೋಷ್ಟಿ ದ್ವಾರಿಂ ಆರಂಭ್ ಜಾಲೆಂ. ಫ್ರಾನ್ಸಿಸ್ ಫುಡ್ತಾದೊ, ಐರಿನ್ ರೊಡ್ರಿಗಸ್, ವಿ. ಡಿ’ಸಿಲ್ವ, ಆಸ್ಟಿನ್ ಪ್ರಭು, ಪ್ರಸನ್ನಾ ನಿಡ್ಡೊಡಿ, ಆನ್ಸಿ ಪಾಲಡ್ಕಾ ಅನಿ ನೇರಿ ನಜ್ರೆತ್ ಹಾಣಿ ಆಪ್ಲ್ಯೊ ಕವಿತಾ ಪ್ರಸ್ತುತ್ ಕೆಲ್ಯೊ. ಶ್ರೀ ಜೋರ್ಜ್ ಡಿ’ಸೋಜಾ ಬೊರಿವ್ಲಿ ಹಾಣೆ ಸಗ್ಳ್ಯಾ ಕವಿಂಕ್ ತುರೊ ದೀವ್ನ್ ಮಾನ್ ಕೆಲೊ. ಶ್ರೀಮತಿ ವೆರೊನಿಕಾ ನೊರೊನ್ಹಾ ಹಿಣೆ ಕಾರ್ಯಾವಳ್ ಚಲವ್ನ್ ವ್ಹೆಲಿ. ಲಿನೆಟ್ ನೊರೊನ್ಹಾ ಹಿಣೆ ಶ್ರೀ ಆಸ್ಟಿನ್ ಡಿ’ಸೋಜಾ ಪ್ರಭುಚಿ ವಳೊಕ್ ಕರುನ್ ದಿಲಿ. ಕವಿಲಾಗಿಂ ಮುಲಾಗತ್ ಕಾರ್ಯವಳಿಂತ್ ಶ್ರೀ ಕ್ಲೇಮೆಂಟ್ ಲೋಬೊ, ಶ್ರೀ ಡೆನಿಸ್ ಡಿ’ಸೋಜಾ ಆನಿ ಶ್ರೀ ಉರ್ಬನ್ ಸಿಕ್ವೇರಾ ಹಾಣಿ ವಾಂಟೊ ಘೆತ್ಲೊ. ವೇದಿರ್ ಪ್ರಿಯಾ ಪ್ರಕಾಶನಾಚಿ ಸಂಚಾಲಕಿ ಶ್ರೀಮತಿ ಪ್ರಿಯಾ ಶರ್ಲಿ ಡಿ’ಸೋಜಾ ಹಾಜರ್ ಆಸ್‌ಲ್ಲಿ